युवाबीच चक्कु हानाहान हुँदा २ जनाको मृत्यु भएको घटनाका आरोपी ४ सार्वजनिक

ललितपुर । प्रहरीले दुई युवाको हत्या भएको घटनामा संलग्न भएका आरोपीहरूलाई सार्वजनिक गरेको छ । मंगलबार पत्रकार सम्मेलन गर्दै ललितपुरको ढोलाहिटीमा पक्राउ परेका चार जनालाई प्रहरीले सार्वजनिक गरेको हो ।

घटनाका मुख्य आरोपी विजय राई यसअघि आगुऔषध मुद्दामा दोषी ठहर भई २ वर्ष जेल बसेर छुटेको प्रहरीले जनाएको छ । आइतबार राति होली खेलेर खाजा खान ढोलाहिटीको डी पोपिना खाजाघरमा पुगेर मदिरा सेवन गरेका युवाबीच चक्कु हानाहान हुँदा २ जनाको मृत्यु भएको थियो ।

घटनामा संलग्न रहेको आरोपमा प्रहरीले खाजा घर सञ्चालक खोटाङ साकेला गाउँपालिका–२ का विजय राई र सोही ठाउँका सुलभ राईका साथै भोजपुर ट्याम्केमयुङ–२ का विशाल हाङ मुकारुङ र काठमाडौं गोकर्णेश्वरका छेङविहाङ राईलाई सार्वजनिक गरेको हो ।