- ३१ आश्विन २०८३, शनिबार / Oct 17, 2026
काठमाडौँ । वैदेशिक रोजगारमा पठाएर अलपत्र पार्ने म्यानपावर कम्पनीलाई कारबाही गर्न युएईस्थित नेपाली दूतावासले वैदेशिक रोजगार विभागलाई सिफारिस गरेको छ ।
युएई पठाएर अलपत्र पार्ने काठमाडौँस्थित मेची इन्टरनेसनल ओभरसिज प्रालिलाई कारबाही गर्न सिफारिस गरेको हो । १९ जना युवा अलपत्र परेको सूचना सार्वजनिक भएपछि सम्बन्धित म्यानपावरले समस्या समाधान गर्ने प्रतिबद्धता जनाएको थियो ।
युएईस्थित दूतावासका श्रम सहचारी आविद अन्सारीले म्यानपावरलाई कारबाही गर्न विभागलाई पत्राचार गरेका हुन् । ‘नेपाली श्रमिकहरू जस्ताको त्यस्तै रहेको तथा समस्या समाधानका लागि कुनै पहल नगरको देखिएकाले म्यानपावर तथा कम्पनीलाई कडा कारबाही गर्न आदेशअनुसार अनुरोध गरेको छ ।
