- ७ भाद्र २०८३, आईतवार / Aug 23, 2026
भक्तपुर । भक्तपुरको चाँगुनारायण नगरपालिका वडा नं ९ ताथलीमा सञ्चालन भइरहेको वृहत पितृ मुक्ति ज्ञान महायज्ञमा दैनिक दाताहरुले दान गरिरहेका छन् । समाजमा रहेका विभिन्न तह र तप्तकामा रहेका मानिसहरुले आफूले चाहेको दैनिक दान गरिरहेका हुन । छोरीको घर जेष्ठ नागरिक आश्रम निर्माण गर्ने उद्देश्यले सञ्चालन भइरहेको महायज्ञबाट उठेको रकमले आश्रम निर्माण गर्ने उदेश्य रहेको आयोजकको भनाई छ ।
आश्रम निर्माणका लागि जमिन खरिद गरि भवन निर्माणमा सहयोगार्थ सञ्चालन भएको महायज्ञमा विभिन्न पालिकाहरुबाट, स्थानीय, समाजमा रहेका लब्धप्रतिष्ठित व्यक्तिहरुले सहयोग गरिरहेको आयोज समितिले जनाएको छ । ज्ञान महायज्ञमा एकै दिन करिब १ करोड रकम सङकलन भएको छ ।धार्मिक तथा सास्कृतिक महामहोत्सव एंव ऐतिहासिक श्रीमदभागवत पितृ मुक्ति ज्ञान महायज्ञको १० औ दिन अर्थात शनिवार एकै दिन १ करोड बढी दान रकम सङकलन भएको आयोजकको भनाई छ ।
सनिवार महायज्ञमा सहभागि भएका बिभिन्न स्थानिय,प्रदेश स्तरका विभिन्न राजनीतिक दलका तथा बिभिन्न संघसंस्थाका ब्यक्तिहरुबाट बोल रकम र नगदी सङकलित रकम गरेर १ करोड दान रकम सङकलन भएको आयोजकले जानकारी दिएका हुन । महायज्ञ आगामि २७ गतेसम्म सञ्चालन हुने छ । जिल्ला तथा जिल्ला बाहिरबाट महायज्ञको अबलोकन गर्नको लागि भक्तजनहरुको बाक्लो उपस्थिती रहने गरेको छ । गत आश्विन ११ गतेदेखि सुरु भएको महायज्ञमा हालसम्म करिब २ करोड बढी दान रकम सङकलन भैसकेको आयोजकको भनाई छ ।
महायज्ञमा चाँगुनारायण नगरपालिकाका नगरप्रमुख जीवन खत्री, सूर्यविनायक नगरपालिकाका मेयर बासुदेव थापालगायत विभिन्न राजनीतिक दलका नेता तथा कार्यकर्ता,स्थानीय, विभिन्न संघ संस्थाले दान गरिरहेका छन । आइतबार महायज्ञमा नेपाली लोक गायक खुमन अधिकारीले आफ्ना विभिन्न भजनबाट भक्तजनहरुलाई रमाइलो प्रदान गरेका छन । महायज्ञमा राष्ट्रिय स्तरका भक्ति संगितका कलाकारद्धारा नियमित रुपमा भक्ति संगीत प्रस्तुत हुने गरेका छन ।
