मोटरसाइकल दुर्घटना हुँदा नवलपरासी पश्चिममा एक जनाको मृत्यु

काठमाडौं । मोटरसाइकल दुर्घटना हुँदा नवलपरासी पश्चिमको सरावल गाउँपालिकामा एकजनाको मृत्यु भएको छ। शुक्रबार रूपन्देहीको शुद्धोधन गाउँपालिका अमहवामा दुर्घटना हुँदा एक जनाको मृत्यु भएको हो ।

पूर्व–पश्चिम राजमार्गमा पूर्वबाट पश्चिमतर्फ जाँदै गरेको प्रदेश नं. ३–०२–००६ प ९८३६ को मोटरसाइकल साँझ ६ बजेर ४० मिनेटमा सरावल–१ सालबासमा दुर्घटना भएको जिल्ला प्रहरी कार्यालय नवलपरासी पश्चिमले जनाएको छ ।

मृत्यु हुनेमा २८ वर्षीय कमल परियार रहेको प्रहरीले जनाएको छ । परियारलाई साढे ८ बजेतिर चिकित्सकले मृत घोषणा गरेको हो । टाउकोमा चोट लागेका गोपाल लोहनीको उपचार भइरहको प्रहरीले जनाएको छ।

मोटरसाइकल अनियन्त्रित भई सडक बिचको पेटीमा ठोक्किँदा चालक नुवाकोट लिखु–३ का २९ वर्षीय लोहनी र पछाडि बसेका परियार गम्भीर घाइते भएका थिए। उनीहरूलाई उपचारका लागि बुटवलस्थित लुम्बिनी सिटी अस्पताल लगिएको थियो।