जन्ती बस दुर्घटना हुँदा सिन्धुपाल्चोकमा ३ जनाको मृत्यु, दुलहासहित ३२ घाइते

सिन्धुपाल्चोक । तौथलीमा जन्ती बोकेको बस दुर्घटना हुँदा ३ जनाको मृत्यु भएको छ ।

दोलखाबाट सिन्धुपाल्चोकको त्रिपुरासुन्दरी गाउँपालिका ४ स्थित पिस्कर जान लागेको जन्ती बस दुर्घटना भएको हो ।

त्रिपुरासुन्दरी–५ का घटनास्थलमै तीन जनाको मृत्यु भएको छ भने, दुलहासहित ३२ जना घाइते भएको प्रमुख जिल्ला अधिकारी झक्कप्रसाद आचार्यले बताए ।

गम्भीर घाइते पाँच जनालाई उपचारका लागि सहाबहार अस्पताल खाडीचौर लगिएको छ। दुर्घटनाको कारणबारे अनुसन्धान भइरहेको प्रहरीले जनाएको छ ।