- २४ असार २०८३, बुधबार / Jul 8, 2026
काठमाडाैं । नेपाल मजदुर किसान पार्टी आठबीस नगरपालिका वडा नं. ९ दैलेखका वडा सदस्य भोटे विकको असामयिक निधनले ठूलो क्षेती पुगेको छ । आज विहान उनको आफ्नै निवासमा निधन भएको पारिवारिक स्रोतले बताएको छ ।
छेपाडी निवासी भोटे विक राजनैतिक आन्दोलनमा लामो समयदेखि निरन्तर लाग्नु भएको थियो । दैलेखको साँस्कृतिक आन्दोलनका धरोहर विक समाज सेवाका खम्बाको रुपमा परिचित थिए । लामो समय नशा रोगले ग्रस्त उनको उपचार वीर अस्पतालमा भएपश्चात गाउँमै बसोवास गरिरहेका थिए ।
सामाजिक कार्यमा निकै चाख दिएर हिड्ने विकको सुन्दर समाज निर्माण गर्ने सपनामा अतुलनिय क्षेती पुगेकाे छ । विद्यालय स्थापनाका काममा होस या विकास निर्माणमा सधै अग्रसर लाग्ने विकको निधनले छेपाडीबासीमा ठूलो क्षेती पुग्न गएको छ । मृतआत्माको चिरशान्तिको कामनासहित शोकाकुल परिवारमा धैर्यधारण गर्ने शक्ति मिलोस् ।
