- १५ जेष्ठ २०८३, शुक्रबार / May 29, 2026
बागलुङ, २२ कात्तिक । बागलुङको ढोरपाटन नगरपालिकामा पिकअप जीप दुर्घटना हुँदा एक जनाको मृत्यु भएको छ भने चारजना घाइते भएका छन्।
शुक्रबार अपराह्न बुर्तिबाङबाट ढोरपाटनतर्फ जाँदै गरेको ग ३ च ३८१९ नम्बरको पिकअप जीप ढोरपाटन नगरपालिका–८ र ९ को सिमानास्थित च्वावीर भन्ने ठाउँमा दुर्घटना भएको हो।
दुर्घटनामा ढोरपाटन–७ का २३ वर्षीय राजेन्द्र अदैको मृत्यु भएको ढोरपाटन नगरपालिकाका उपप्रमुख धनबहादुर कयतले जानकारी दिए।
उपप्रमुख कयतका अनुसार दुर्घटनामा चारजना घाइते भएका छन्, जस मध्ये एकजनाको अवस्था गम्भीर छ। घाइतेहरूको स्थानीयवासी र नेपाल प्रहरीले उद्धार गरी बुर्तिबाङ अस्पताल पठाएको हो।
दुर्घटनाको कारण खुल्न बाँकी भए पनि सडक साँघुरो र मोडयुक्त भएकोले दुर्घटना भएको प्रारम्भिक अनुमान गरिएको छ।
