- २२ भाद्र २०८३, सोमबार / Sep 7, 2026
काठमाण्डौ, २२ कार्तिक । अघिल्लो महिना असोजको बाढी रपहिरोका कारण पुगेको क्षतिबाट बीमा कम्पनीमा तीन अर्ब ७८ करोड ४० लाख रुपैयाँ बराबरको दाबी परेको छ ।
गएको असोज १७ गतेदेखि १९ गतेसम्म परेको अविरल वर्षाका कारण जनधनको क्षति भएको थियो ।
बीमा प्राधिकरणका अनुसार कुल चार सय ३४ वटा बीमा दाबीको आवेदन परेको छ । सम्पत्ति बीमा, इञ्जिनियरिङ तथा ठेकेदार जोखिम, कृषि तथा बाली बीमा, मोटर बीमालगायतको आवेदन परेको छ ।
कूल ३७ जिल्लामा भएको क्षतिको क्षतिपूर्तिका लागि बीमा दाबीको आवेदन परेको प्राधिकरणले जनाएको छ । सबैभन्दा धेरै एक सय ९७ वटा बीमा दाबीको आवेदन सुनसरीमा परेको छ ।
यस्तै, इलाममा ६०, काठमाण्डौमा ८०, मोरङ ९०, झापा २०, पर्सा ७१, रौतटहमा २८ वटा बीमा दावीको आवेदन परेको छ । प्राधिकरणका अनुसार गएको भदौ २३ र २४ गतेको जेन–जीआन्दोलनका कारण भएको क्षतिको २३ अर्ब २३ करोड रुपैयाँबराबरको बीमा दाबीको आवेदन परेको छ ।
यस्तै, गएको असारको बाढीरपहिरोका कारण भएको क्षतिको ९८ करोड ५९ लाख बराबरको बीमा दाबीको आवेदन परेको थियो । रासस
