ड्याम खोल्दा आँखु खोलामा पानीको बहाव बढ्यो

काठमाण्डौ । आयोजनाको ड्याम खोल्दा आँखु खोलामा पानीको बहाव केही बढेको छ । धादिङको आँखुखोला–१ जलविद्युत आयोजना रिङ्गनेको ड्याम खोलिएपछि पानीको बाहब बढेको हो ।

तल्लो तटीय क्षेत्रका बासिन्दालाई सचेत रहन जिल्ला प्रशासन कार्यालय धादिङले अनुरोध गरेको छ ।
विशेषगरी धादिङको त्रिपुरासुन्दरी गाउँपालिका, निलकण्ठ नगरपालिका र ज्वालामुखी गाउँपालिकाको खोलाकिनारका बासिन्दालाई दिउँसोसम्म सतर्कता अपनाउन अनुरोध गरिएको जिल्ला प्रशासन कार्यालयले जनाएको छ ।

आँखुखोला बुढीगण्डकीमा र बुढीगण्डकी त्रिशूली नदीमा मिसिन्छ ।