- २६ असार २०८३, शुक्रबार / Jul 10, 2026
काठमाडौं, ३ भाद्र । पर्यटन व्यवसायी तथा भिलेज हाइल्यान्ड रिसोर्ट रानीकोटका अध्यक्ष रामसुन्दर बकेले पर्यटन विभागको अनुमति नलिएका होटल र रिसोर्टमा सरकारी कार्यक्रम नगर्न स्पष्ट आग्रह गरेका छन्।
पर्यटन व्यवसाय कानुनी मान्यता र पारदर्शितामा आधारित क्षेत्र भएकाले दर्ता नभएका होटल–रिसोर्टमा सरकारी कार्यक्रम नगर्न उनले आग्रह गरेका हुन् ।
यस कार्यले केवल विवाद निम्त्याउने मात्र नभई सम्पूर्ण पर्यटन क्षेत्रको विश्वासनीयतामा पनि नकारात्मक असर पुर्याउँने बताउँदै भने “दर्ता नभएका स्थलमा कार्यक्रम गर्नु भविष्यमा हुने विवाद र जटिलतालाई निम्त्याउने काम हो। व्यवस्थित, सुरक्षित र दिगो पर्यटन सुनिश्चित गर्न नियमको कडाइ अपरिहार्य छ।”
कानुन पालना गर्नु सबै पक्षको साझा दायित्व भएको उल्लेख गर्दै नेपाललाई अन्तर्राष्ट्रिय स्तरमा विश्वासिलो पर्यटन गन्तव्यको रूपमा स्थापित गर्न सबै क्षेत्रकाे महत्व उत्तीकै रहेकाे बताए ।
