- ३० श्रावण २०८३, शनिबार / Aug 15, 2026
काठमाडौं, २६ असोज। सशस्त्र प्रहरी बल (एपीएफ) नेपालका प्रहरी नायब उपरीक्षक (डीएसपी) सुरज पौडेलसहित सात जनाको टोलीले चुलु सुदूरपूर्व हिमाल (Chulu Far East Peak) सफलतापूर्वक आरोहण गरेको छ।
टाेलीले हिजो बिहान ७ बजे ६ हजार ३८ मिटर अग्लो शिखरमा पुगेर एपीएफ नेपालको झण्डा फहराएको हो। यो आरोहण दामोदर हिमशृङ्खला अन्तर्गत पर्ने हिमालमा गरिएको हो।
एपीएफका अनुसार, यो आरोहणले पर्वतीय उद्धारको क्षेत्रमा बलको क्षमता अभिवृद्धि गर्नेछ। साथै, यसले पर्यटन प्रवर्द्धनमा कोसेढुङ्गा सावित हुने विश्वास समेत व्यक्त गरिएको छ।
त्यस्तै, चुलु सुदूरपूर्व आरोहणले पर्वतीय उद्धार तालिम शिक्षालय, मनाङमा सञ्चालन भइरहेका तालिमका लागि आवश्यक पर्ने प्रशिक्षक उत्पादनमा महत्वपूर्ण योगदान गर्ने एपीएफले जनाएको छ।
