दुवै सदनको बैठक बस्दै, विनियोजन विधेयकमाथिको छलफल प्रारम्भ हुने

काठमाडौं । संघीय संसद्अन्तर्गत प्रतिनिधिसभा र राष्ट्रियसभाको बैठक बस्दैछ । प्रतिनिधिसभाको बैठकमा विनियोजन विधेयकमाथिको छलफल प्रारम्भ हुनेछ । प्रतिनिधिसभाको बैठक बिहान ११ बजे र राष्ट्रियसभाको बैठक दिउँसो १ः १५ बजे बस्ने छ ।

सांसदहरु प्रेम सुवाल, अमरेश कुमार सिंह र रमा काइराला पौड्यालले यी मन्त्रालयहरुको खर्च कटौतीको प्रस्ताव पेस गर्ने कार्यसूची छ । संसदमा सभामुख देवराज घिमिरेले राष्ट्रपतिको कार्यालयबाट प्राप्त कार्यभार थप सम्बन्धी पत्रको व्यहोरा पढेर सुनाउने कार्यसूची रहेको छ ।

संसदमा गत आइतवारदखि नैं विनियोजन विधेयकमाथि छलफल गर्ने भनिएपनि सूचना टाँसेर दुई दिनका लागि बैठक स्थगित गरिएको थियो । युवा तथा खेलकुद मन्त्रालय, शिक्षा, विज्ञान तथा प्रविधि मन्त्रालय, श्रम, रोजगार तथा सामाजिक सुरक्षा मन्त्रालय र कृषि तथा पशुपंक्षी विकास मन्त्रालय शीर्षकको बजेटमाथि सांसदहरुले आ–आफ्नो धारणा राख्नेछन् ।

सभामुखले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थप सम्बन्धी पत्रको व्यहोरा पनि बढेर सुनाउने कार्यसूची रहेको छ ।