कपिलवस्तुमा एकजनाको मृत्यु, घाइतेको उपचार हुँदै

काठमाडौं । कपिलवस्तुमा एक जनाको मृत्यु भएको छ । बस र पिकअप ठोक्किँदा एकजनाको मृत्यु भएको प्रहरीले जनाएको छ ।

दुर्घटनामा पिकअपका चालक कपिलवस्तु शिवराज नगरपालिका निवासी हिरालाल बढईको घटनस्थलमै मृत्यु भएको जिल्ला ट्राफिक प्रहरी कार्यालय कपिलवस्तुले जनाएको छ । दुर्घटनामा घाइते भएकाहरूलाई उपचारका लागि बुटवल पठाएको प्रहरीले जनाएको छ ।

कपिलवस्तुको बुद्धभूमि नगरपालिका–४ झडुलामाईमा काठमाडौंबाट सुर्खेत जाँदै गरेको क प्र ०२–००१ ख ०५२५ नम्बरको बस र लु १ च ९२८४ नम्बरको पिकअप ठोक्किएको हो ।