अवरुद्ध अरनिको राजमार्ग खुल्यो

काठमाडौं। सुक्खा पहिरोले अवरुद्ध अरनिको राजमार्ग खुलेको छ । राजमार्गअन्तर्गत काभ्रेको पाँचखाल नगरपालिका ५५ किलोमा हिजो बेलुका र गएराति सुक्खा पहिरो गएको थियो ।। पहिरो खस्दा करिब ५० मिटर सडक अवरुद्ध भएको थियो ।

पहिरो हटाएपछि अवरुद्ध सडक खुलेको जिल्ला प्रहरी कार्यालय काभ्रेका प्रमुख प्रहरी उपरीक्षक वसुन्धरा खड्काले जानकारी दिए । उनका अनुसार यो सडक खण्डमा पटक पटक सुक्खा पहिरो खस्ने गरेको छ ।

अरनिको राजमार्गको जिरोकिलो–दोलालघाट सडकखण्डमा यसअघि पनि पटक पटक पहिरो खस्दा सडक अवरुद्ध हुँदै आएको थियो ।