- २२ भाद्र २०८३, सोमबार / Sep 7, 2026
काठमाडाैं, २९ असाेज । सशस्त्र प्रहरी बल नेपालले देशभरि बदलिँदो सुरक्षा चुनौतीलाई मध्यनजर राख्दै १६६ जना अधिकृतहरूको कमान्ड जिम्मेवारी एकै पटकमा हेरफेर गरेको छ । हेरफेर गरिएका अधिकृतहरूमध्ये सशस्त्र प्रहरी नायव उपरीक्षक २६ जना, निरीक्षक ९३ जना र नायव निरीक्षक ४९ जना छन् ।
प्रधान कार्यालयले पूर्वानुमान सूचीका आधारमा अधिकृतहरूलाई कमान्डमा खटाउँदै आएको छ । साथै, सीमा क्षेत्रमा खटिएर राजस्व संकलनमा उत्कृष्ट प्रदर्शन गरेका अधिकृतहरूलाई प्राथमिकतामा राखिएको छ । संगठनले राजस्व संकलनलाई विशेष प्राथमिकता दिँदै विगतको ट्र्याक रेकर्डअनुसार जिम्मेवारी तोकेको छ ।
लामो समय एउटै प्रदेशमा कार्यरत अधिकृतहरूलाई अन्य प्रदेशमा सरुवा गरिएको छ । अनिवार्य अवकाशको समय नजिकिएका अधिकृतलाई कमान्ड जिम्मेवारी दिइएको छ भने, आचरण विपरीत कार्य गर्ने तथा जिम्मेवारी नपुर्याउने अधिकृतलाई कमान्डबाट हटाइएको बताएकाे छ ।
