- ३१ आश्विन २०८३, शनिबार / Oct 17, 2026
काठमाडौं । मेडिकल टिमसहित रुकुम उडेको नेपाली सेनाको हेलिकप्टर चौरजहारी अवतरण गर्न नसकेर सुर्खेत पुगेको छ ।
चौरजहारी विमानस्थलको मौसम नखुलेका कारण सेनाको स्काइ ट्रक अवतरण गर्न नसकेको नेपालगञ्ज विमानस्थलका निमित्त प्रमुख तेजबहादुर बुढथापाले बताए । सशस्त्र प्रहरी बलको अस्पतालबाट ८ जना र वीर अस्पतालबाट ६ जना गरेर १४ जना स्वास्थ्यकर्मीको टोलीसहित नेपाली सेनाको स्काई ट्रक चौरजहारी प्रस्थान गरेको थियो ।
नेपालगञ्जबाट समिट एयरको जहाज चौरजहारी पठाउन खोजिए पनि मौसमका कारण सम्भव नभएपछि सो जहाज हुम्लाको सिमिकोट उडेको निमित्त प्रमुख बुढथापाले बताए । चौरजहारी विमानस्थलमा एयर ट्राफिक कन्ट्रोलर (एटिसी) नभएका कारण नेपालगञ्जबाटै पठाउन तयारी अवस्थामा राखिएको छ ।
सेनाको हेलिकप्टर बिहान भूकम्प प्रभावित क्षेत्रमा पुगेर नेपालगञ्ज फर्किएको छ ।
