विराटनगरमा ब्राउन सुगरसहित एक जना पक्राउ

काठमाडौं । विराटनगरमा ब्राउन सुगरसहित एक जना पक्राउ परेका छन् । पक्राउ पर्नेमा सुनसरी बराहक्षेत्र नगरपालिका ५ का २४ वर्षीय विवेक राई रहेका प्रहरीले जनाएको छ। कोशी प्रदेश प्रहरी कार्यालयको प्रादेशिक अनुसन्धान समूह पीटबाट खटिएको प्रहरी टोलीले मोरङको विराटनगर महानगरपालिका १५ बाट लागुऔषध ब्राउन सुगरसहित राईलाई पक्रउ गरेको हो।

सोमवार दिउँसो १२ बजे पैदलयात्री राईलाई शंकास्पद अवस्थामा फेला पारी जाँच गर्दा उनको साथबाट १ ग्राम ३८ मिलिग्राम ब्राउनसुगर बरामद गरेको प्रदेश प्रहरी कार्यालय विराटनगरले जनाएको छ। उनीमाथि थप अनुसन्धान भइरहेको छ।