- १९ कार्तिक २०८३, बिहीबार / Nov 5, 2026
काठमाडौं, २१ भदौ । भोटेकोशी नदीमा आएको विनाशकारी बाढीमा परी सम्पर्कविहीन भएकामध्ये हालसम्म १ हजार ३४१ जनाको शव फेला परेको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आइतबार बिहान ११ बजेसम्म बाढी प्रभावित क्षेत्रबाट १ हजार ३४१ जनाको शव फेला परेको हो । फेला परेका शवमध्ये ९८ जनाको पहिचान गरी आफन्तलाई जिम्मा लगाइएको प्राधिकरणले जनाएको छ ।
बाढीका कारण घाइते भएका ६ हजार ७५ जनाको उपचार गरिएको छ । यस्तै, बाढीमा परी अझै ४ हजार ९९६ जना सम्पर्कविहीन रहेको प्राधिकरणको पछिल्लो विवरणमा उल्लेख छ ।
प्राधिकरणका अनुसार बाढी प्रभावित क्षेत्रबाट हालसम्म १३ हजार १०४ जनाको उद्धार गरिएको छ । उद्धार गरिएकामध्ये ३ हजार ६५२ जना अहिले होल्डिङ सेन्टरमा रहेका छन् । बाँकी उद्धार गरिएका नागरिक भने आफ्नो घर फर्किसकेका छन् । बाढीपछि बेपत्ता भएकाको खोजी, शवको व्यवस्थापन तथा पहिचान र प्रभावित नागरिकको उद्धार कार्यलाई निरन्तरता दिइएको छ ।
