- ३१ आश्विन २०८३, शनिबार / Oct 17, 2026
काठमाडौं । उपप्रधान एवं अर्थमन्त्री विष्णुप्रसाद पौडेलले निजी क्षेत्रको विश्वास र भरोसा टुट्न नदिने बताएका छन् । बुधबार सिंहदरबारमा नेपाल उद्योग वाणिज्य महासंघका पदाधिकारीसँगको भेटमा उनले निजी क्षेत्रलाई राज्यले संरक्षण गर्ने भन्दै आत्मविश्वासका साथ राष्ट्र निर्माणमा योगदान दिन आग्रह गरे ।
सरकारले निजी क्षेत्रलाई मान्य हुने गरी समस्याको समाधान खोज्ने उनले उल्लेख गरे । उनले आमसर्वसाधारण र निजी क्षेत्रको खस्किएको मनोबल उकास्न आफ्नो ध्यानकेन्द्रित गर्ने बताए । सरकारले निजी क्षेत्रलाई नीतिगत रूपमा सहजीकरण, सहयोग र सहकार्य गर्ने नीति लिने उनको भनाइ छ ।
मौद्रिक नीति कस्तो ल्याउने भन्ने अधिकार नेपाल राष्ट्र बैंकलाई रहेको उनले स्पष्ट पारे । मौद्रिक नीति ल्याउँदा विद्यमान समस्या र अवस्थाको सम्बोधन गरिने विश्वास व्यक्त गरे ।
