बक्सिङ खेलाडी गोसाई मृत अवस्थामा फेला

भक्तपुर। बक्सिङ खेलाडी नीता गोसाईं मृत अवस्थामा फेला परेकी छन् । सशस्त्र प्रहरी बलको तर्फबाट बक्सिङ खेल्दै आएकी नीता घरमा मृत अवस्थामा फेला परेको भक्तपुर प्रहरी परिसरले जनाएको छ ।

उनी झुण्डिएको अवस्थामा फेला पारेपछि दाइले डोरी काटेर निकालेको जानकारी प्रहरीले दिएको छ । भक्तपुर नगरपालिका–८ स्थित घरमा उनी मृत अवस्थामा फेला परेको जिल्ला प्रहरी परिसर भक्तपुरले जनाएको छ ।

परिवारले प्रहरी वृत्त, जगातीमा एक जना व्यक्तिविरुद्ध आत्महत्या दुरुत्साहनको कसूरमा जाहेरी समेत दिएको भक्तपुर प्रहरीले जनाएको छ । प्रहरीमा दिएको जाहेरीको आधारमा व्यक्तिलाई नियन्त्रणमा लिएर अनुसन्धान थालिएको छ भने शवलाई पोष्टमार्टमका लागि पठाइएको भक्तपुर प्रहरीले थप अनुसन्धान गरिरहेको जनाएको छ ।