- १६ जेष्ठ २०८३, शनिबार / May 30, 2026
म्याग्दी । मुस्ताङ र चीनको तिब्बतस्थित सीमाना कोरला नाकामा पहिलोपटक नेपाल टेलिकमको बिटिएस टावर स्थापना भएको छ । मुस्ताङको लोमान्थाङ गाउँपालिका-१, छोसेरस्थित कोरला नाकामा टेलिकमको टावर स्थापना गरी मङ्गलवारदेखि सञ्चालनमा ल्याइएको हो ।
नेपाल टेलिकम दुरसञ्चार कार्यालय बागलुङको प्राविधिक तथा लोमान्थाङ गाउँपालिकाले संरचना निर्माणमा सहयोग गरेपछि टेलिकमको बिटिएस टावर स्थापना गरिएको छ ।
समुन्द्री सतहदेखि करिब ४७ सय मिटरको उचाइमा पर्ने कोरला नाकामा नेपाल टेलिकमको टुजी र फोरजी टावर हाल सोलारको सहायतामा चल्ने गरी जडान गरेर सञ्चालनमा ल्याइएको टेलिकम बागलुङका प्रमुख सन्तोष बरालले बताए ।
