- २८ भाद्र २०८३, आईतवार / Sep 13, 2026
काठमाडौं । अतिकम विकसित मुलुकहरू (एलडीसी) का लागि परराष्ट्रमन्त्री डा. आरजु राणा देउवाले सहयोगको मात्रा बढाउन जी–२० मा आबद्ध देशलाई आग्रह गरेकी छन् ।
विश्वका अतिकम विकसित देशहरु बढी समस्यामा परिरहेका दृष्टान्त पेश गर्दै मन्त्री डा राणाले जलवायु परिवर्तनको असर, भूराजनैतिक तनाव आदिका कारण पछिल्लो दुई दशकमा अतिकम विकसित देशहरु चरम गरिबीतर्फ धकेलिएको धारणा राखिन् ।
न्युयोर्कमा जारी संयुक्त राष्ट्रसङ्घको ७९औँ महासभाका क्रममा विश्वका शक्तिशाली मानिएका २० मुलुकको समूह जी‐२० मा आबद्ध देशका विदेशमन्त्रीस्तरीय बैठकलाई सम्बोधन गर्दै मन्त्री डा राणाले एलडीसी मुलुकहरुलाई सहयोग गर्न आग्रह गरेकी हुन ।
एलडीसीको अध्यक्षका हैसियतले परराष्ट्रमन्त्री डा राणाले बुधबार न्युयोर्कमा आयोजित सो बैठकलाई सम्बोधन गरेकी हुन । नेपाल हाल एलडीसीको अध्यक्ष छ ।
