- २२ कार्तिक २०८३, आईतवार / Nov 8, 2026
काठमाडौं, १ असार । काठमाडौंबाट जनकपुरका लागि उडेको बुद्ध एयरको जहाजमा ल्यान्डिङ गियरसम्बन्धी प्राविधिक समस्या देखिएपछि आकस्मिक रूपमा काठमाडौं फर्काइएको छ।
सोमबार बिहान करिब ७ः०५ बजे त्रिभुवन अन्तर्राष्ट्रिय विमानस्थलबाट उडेको जहाजमा उडानकै क्रममा समस्या देखिएपछि सुरक्षालाई प्राथमिकता दिँदै विमानलाई पुनः काठमाडौं फर्काइएको हो।
जहाजलाई आपत्कालीन अवस्थाको व्यवस्थापन गर्दै त्रिभुवन अन्तर्राष्ट्रिय विमानस्थलमा सुरक्षित रूपमा अवतरण गराइएको छ।
विमानस्थलका प्रवक्ता सञ्जय कुमारका अनुसार जहाजमा देखिएको प्राविधिक समस्यापछि तत्काल आवश्यक प्रक्रिया अपनाएर सुरक्षित अवतरण गराइएको हो।
उनका अनुसार जहाजमा सवार सबै यात्रु तथा चालक दलका सदस्य सकुशल रहेका छन्। हाल जहाजमा देखिएको प्राविधिक समस्याबारे विस्तृत परीक्षण भइरहेको छ। प्रभावित यात्रुहरूलाई गन्तव्यसम्म पुर्याउन वैकल्पिक व्यवस्था मिलाउने तयारी पनि गरिएको जनाइएको छ।
