तनहुँमा बस दुर्घटना हुँदा एक जनाको मृत्यु, १३ जना घाइते

तनहुँ । आबुखैरेनिमा बस दुर्घटनामा एक जनाको मृत्यु भएको छ । पृथ्वीराजमार्गअन्तर्गत तनहुँको आँबुखैरेनी गाउँपालिका–१ सत्रसयमा भएको दुर्घटनामा एक जनाको मृत्यु र १३ जना घाइते भएका हुन ।

दमौलीबाट मुग्लिनतर्फ जाँदै गरेको बा ५ ख २९९९ नम्बरको बस सडक छेउको कल्भर्टमा पल्टिएको थियो। प्रहरीले बस चालक भानु नगरपालिका–५ बस्ने ३५ वर्षीय रविन्द्र घलेलाई नियन्त्रणमा लिएको छ।

दुर्घटनामा चितवनको भरतपुर महानगरपालिका बस्ने २२ वर्षीया सुमिना सापकोटाको मृत्यु भएको जिल्ला प्रहरी कार्यालय तनहुँले जनाएको छ ।