चाँगुमा लक्ष्यभन्दा बढी राजस्व संकलन

भक्तपुर । चाँगुनारायण नगरपालिकाले लक्ष्यभन्दा बढी राजस्व संकलन गरेको छ ।

गत आर्थिक वर्ष २०८०, ०८१ मा नगरपालिकाले २६ करोड ६७ लाख ५ हजार ९७ रूपैयाँ राजस्व संकलन गरेको हो ।

जुन आर्थिक वर्ष २०७९, ०८० को तुलनामा ६ करोड भन्दा बढी रहेको राजस्व शाखाले जनाएको छ ।

आर्थिक वर्ष २०७९, ०८० मा नगरपालिकाले २० करोड ६९ लाख २ हजार ७ सय १८ रूपैयाँ संकलन गरेको थियो ।

२०८०, ०८१ का लागि नगरपालिकाले २४ करोड १६ लाख २५ हजार रूपैयाँ प्रक्षेपण गरेको थियो ।