- ३१ आश्विन २०८३, शनिबार / Oct 17, 2026
काठमाडौं । काठमाडौंको शंखरापुर नगरपालिका–३ स्थित लप्सीफेंदीमा प्रहरी र स्थानीयबीच झडप भएको छ । झडपपछि प्रहरीले १३ जनालाई नियन्त्रणमा लिएको छ ।
नेपाल विधुत प्राधिकरणकाे सवस्टेसन र टावर निर्माणका लागि बिहीबार पुगेको डोजरमाथि स्थानीयले ढुंगा प्रहार गरेपछि नेपाल प्रहरी र सशस्त्र प्रहरी त्यहाँ पुगेको थियाे । निर्माणाधीन सवस्टेसन र टावरको काम रोक्न माग गर्दै आइरहेका स्थानीयले अवरोधको प्रयास गरेपछि दुई पक्षबीच तनाव सृजना भएको हो ।
घटनापछि १३ जनालाई प्रहरीले नियन्त्रण लिएको प्रहरीले जनाएको छ । यता स्थानीयहरुले प्रहरी गाउँमा आएर अबेररातिसम्म धरपकड गरेको आरोप लगाएका छन् ।
नेपाल विद्युत् प्राधिकरणले विभिन्न स्थानमा उत्पादन भएका बिजुली काठमाडौं ल्याउन शंखरापुर–३ मा ४००/२२०/१३२/११ केभी सबस्टेसन निर्माण गर्न लागेको छ । बस्तीको बीचमा सवस्टेसन निर्माण गर्न खोजिएको भन्दै स्थानीयवासीहरुले रोक्ने प्रयास गर्दै आइरहेका छन् ।
