- २२ भाद्र २०८३, सोमबार / Sep 7, 2026
काठमाडौँ, ३१ असाेज । राष्ट्रिय परीक्षा बोर्डले कक्षा ११ को आंशिक तथा ग्रेड वृद्धि परीक्षाको नतिजा सार्वजनिक गरेको छ । बोर्डले २०८२ साल जेठ १३ गतेदेखि २१ गतेसम्म सञ्चालन भएको परीक्षाको नतिजा शुक्रबार सार्वजनिक गरेको हो ।
बोर्डका अनुसार कूल १४ हजार ९ सय १० विद्यार्थी परीक्षामा सहभागी भएका थिए । तीमध्ये ९ हजार ४ सय ५६ जना विद्यार्थी उत्तीर्ण भएका छन् भने २ जनाको परीक्षा रद्द गरिएको छ । बाँकी विद्यार्थीहरू असफल भएका छन् ।
राष्ट्रिय परीक्षा बोर्डका अनुसार नतिजा हेर्न विद्यार्थीहरूले बोर्डको आधिकारिक वेबसाइटमा गएर रोल नम्बर प्रविष्ट गरी नतिजा प्राप्त गर्न सक्नेछन् । साथै नेपाल टेलिकमको १६०१ नम्बरमा डायल गरी प्राप्त निर्देशनअनुसार पनि नतिजा हेर्न सकिने व्यवस्था गरिएको छ ।
यसअघि कक्षा ११ को वार्षिक नियमित परीक्षा गत जेठमा सम्पन्न भएको थियो । आंशिक र ग्रेड वृद्धि परीक्षा ती विद्यार्थीका लागि सञ्चालन गरिएको हो, जसले विगतको परीक्षामा आवश्यक ग्रेड प्राप्त गर्न सकेका थिएनन् ।
