तराईमा हुस्सु र कुहिरो, उपत्यकामा यसवर्षकै कम तापक्रम मापन

काठमाण्डौ । पछिल्लो समय चिसो बढ्दै गएको छ । काठमाण्डौ उपत्यकामा निरन्तर तापक्रम घट्न थालेको हो । काठमाण्डौ उपत्यकामा यसवर्षको सबैभन्दा कम न्यूनतम तापक्रम चार डिग्री सेल्सियस बुधबार विहान मापन भएको हो ।

बुधबार उपत्यकाको अधिकतम तापक्रम १७ देखि १९ डिग्री सेल्सियसकाबीच रहने जल तथा मौसम पूर्वानुमान महाशाखाले जनाएको छ । दिउँसो कोशी प्रदेशमा मौसम आंशिक बदली रही बाँकी भागमा सफा रहने अनुमान छ ।

देशमा पश्चिमी वायुको आंशिक प्रभाव छ । काठमाण्डौ उपत्यकासहित तराई र मधेसका केही क्षेत्रमा हुस्सु र कुहिरो लागेको छ ।