- २७ श्रावण २०८३, बुधबार / Aug 12, 2026
एजेन्सी । सिरियामा अन्तरिम प्रधानमन्त्री मोहम्मद अल–बशीर नियुक्त भएका छन् । मोहम्मदले बसर अल असदलाई सत्ताबाट हटाउन विद्रोही समूहलाई महत्त्वपूर्ण भूमिका खेलेकाले प्रधानमन्त्रीमा नियुक्त गरिएको हो ।
केही सरकारी निकायले निजामती कर्मचारी र स्वास्थ्यकर्मीलाई काममा फर्किन आग्रह गरेको बेला यो घोषणा भएको हो ।एलेप्पो, हामा र होम्सपछि विद्रोहीले गएको आइतवार राजधानी दमास्कस कब्जा गरेका थिए ।
यसपछि विद्रोहीले सिरिया स्वतन्त्र भएको बताएका छन् । देश छोडेर भागेका बशर अल असदलाई रुसले आश्रय दिएको छ ।एक टेलिभिजन सम्बोधनमा मोहम्मद अल–बशीरले अर्को वर्ष मार्चसम्म पदमा रहन तयार रहेको घोषणा गरेको बीबीसीले जनाएको छ ।
बशीरले सानो मन्त्रिपरिषद्को नेतृत्व गर्दै सार्वजनिक सेवाहरू पुनः सञ्चालन गर्ने खबरमा उल्लेख छ । उनले अहिले इदलिब प्रान्तको प्रशासनको जिम्मेवारी सम्हालिरहेका छन् ।
