- २१ कार्तिक २०८३, शनिबार / Nov 7, 2026
भक्तपुर । भक्तपुरको विस्का जात्राको भैरबनाथको गः हिटी पुर्याइएको छ । रथलाई मंगलबार राति दतात्रयसम्म पुर्याइएको भए पनि बुधबार विहान गः हिटी पुर्याइएको हो ।
रातभरि विभिन्न ठाउँंहरुमा रथ पुर्याएर पनि जात्राको पहिलो दिन कुनै अप्रिय घटना भने भएको छैन् । यस वर्ष जात्राको क्रममा ढुंगामुढालगायतका झैझगडा नभएको जिल्ला प्रहरी परिषर भक्तपुरले जनाएको छ । जात्रामा भक्तपुर नगर प्रहरीका कारण झैझगडा हुन नपाएको स्थानीयको भनाई छ ।
भक्तपुरनगर प्रहरीले जात्रामा मादकपदार्थ सेवन गरेर आएकालाई बाहिर राखेपछि जात्रा शौहार्दपूर्ण भएको र नगर प्रहरीले जात्रामा ठूल्ठूला टर्च लाइट बालेर निगरानीलाई कडा पार्दा जात्रा शान्तिपूर्ण भएको जनाइएको छ ।
जिल्ला प्रहरी परिसर भक्तपुरले विशेष निगरानी राख्दै आएको र रातभरि रथ तानिए पनि शान्तिपूर्ण रुपमै पहिलो दिनको जात्रा सम्पन्न भएको छ ।
गः हीटीमा दोस्रो दिन रथ पुर्याएपछि थकाइ मार्ने चलन पनि रहेको छ । आठ रात नौ दिन मनाइने जात्राको पहिलो दिन तानेको रथ गः हिटी पुर्याइएको छ ।
