दाङको देउखुरीमा मोटरसाइकल दुर्घटना, एक जनाको मृत्यु

दाङ, ३ असार । दाङको देउखुरीमा गएराति भएको मोटरसाइकल दुर्घटनामा राप्ती गाउँपालिका–३ मसुरियाका ४३ वर्षीय खिमबहादुर पुनको ज्यान गएको छ।

रा २ प ६२६१ नम्बरको मोटरसाइकल राप्ती पुलको रेलिङमा ठोक्किँदा दुर्घटना भएको जिल्ला प्रहरी कार्यालय दाङले जनाएको छ।

टाउकोमा गम्भीर चोट लागेका पुनलाई उपचारका लागि लमही अस्पताल लगिएको थियो, तर अस्पतालले मृत घोषणा गरेको हो। हाल दुर्घटनाबारे थप अनुसन्धान भइरहेको प्रहरीको भनाइ छ।