वि.सं. २०८२ सालको दशैं: टीका लगाउने उत्तम साइत असोज १६ गते बिहान ११:५३ बजे

काठमाडौं, ३१ भाद्र । वि.सं. २०८२ सालको दशैं (विजया दशमी) मा टीका लगाउने उत्तम साइत असोज १६ गते बिहीबार बिहान ११ बजेर ५३ मिनेटमा रहेको छ । नेपाल पञ्चाङ्ग निर्णायक समितिका अध्यक्ष प्रा. शम्भु प्रसाद ढकालले सार्वजनिक गरेको जानकारी अनुसार यस वर्ष दशैंको घटस्थापनाको साइत असोज ६ गते सोमबार बिहान ९:१३ बजे रहेको छ ।

दशैंको अन्य प्रमुख दिनहरूको साइत यस्ता छन्:

असोज ६ गते (सोमबार) – घटस्थापना (नवरात्रा आरम्भ) बिहान ९:१३ बजे
असोज ७ गते (मङ्गलबार) – झण्डा फेर्ने, बिहान ९:५३ बजे
असोज ११ गते (शनिवार) – श्रीपचली भैरव यात्रा
असोज १३ गते (सोमबार) – फूलपाती, श्री तुलजाभवानी यात्रा बिहान ७:१७ बजे
असोज १४ गते (मङ्गलबार) – महाष्टमी, कालरात्रि
असोज १५ गते (बुधवार) – महानवमी, स्थिरासन बिहान ९:२३ बजे
असोज १६ गते (बिहीबार) – विजया दशमी, देवी विसर्जन बिहान ९:२३ बजे, टीका लगाउने शुभसाइत बिहान ११:५३ बजे
असोज २० गते (सोमबार) – अखिल बलिपूर्ति, कोजाग्रत व्रत, पूर्णिमाव्रत

टीका लगाउने बेला पूर्व मोहडा फर्केर टीका थाप्नुपर्ने उल्लेख गरिएको छ । साथै, विजया दशमीको दिन श्री तुलजाभवानी यात्रा, खड्ग यात्रा र अन्य धार्मिक कार्यक्रमहरू पनि सञ्चालन हुनेछन् ।

यस्ताे छ पत्र..