- १५ जेष्ठ २०८३, शुक्रबार / May 29, 2026
काठमाडौं, १ भद्र । देशका विभिन्न स्थानमा आज भारी वर्षा हुने सम्भावना रहेको जल तथा मौसम विज्ञान विभागले जनाएको छ । धेरै स्थानमा मध्यम वर्षा हुने देखिएको छ ।
विभागका अनुसार दिउँसो देशभर सामान्यतया बदली रहनेछ । वाग्मती र लुम्बिनी प्रदेशलगायत देशका पहाडी भूभागका केही स्थानमा र बाँकी भूभागका थोरै स्थानमा मध्यम वर्षा हुने सम्भावना छ । कोसी, वाग्मती र कर्णाली प्रदेशका पहाडी भूभाग तथा लुम्बिनी प्रदेशका तराईका एक-दुई स्थानमा भारी वर्षा हुन सक्ने चेतावनी विभागले दिएको छ ।
राति कोसी, मधेस, वाग्मती र गण्डकी प्रदेशलगायत पहाडी भूभागमा सामान्य बदली रहनेछ भने बाँकी भूभागमा आंशिक बदली मात्र रहने विभागले जनाएको छ । मधेस प्रदेशसँगै कोसी, वाग्मती र गण्डकी प्रदेशका पहाडी केही स्थान तथा बाँकी भूभागका थोरै स्थानमा मध्यम वर्षा हुने देखिन्छ ।
मधेस, कोसी र वाग्मतीका पहाडी भूभागका एक-दुई स्थानमा भारी वर्षा हुने सम्भावना रहेको विभागको अनुमान छ । हाल मनसुनको न्यूनचापीय रेखा सरदर स्थान आसपासमा रहेको र अरब सागर तथा बंगालको खाडीबाट जलवाष्पयुक्त हावा नेपालमा प्रवेश गरिरहेको कारण वर्षा भइरहेको विभागले जनाएको छ ।
