काठमाडौंबाट बाह्रबिसे गइरहेको बसले ठक्कर दिँदा महिलाको मृत्यु

भक्तपुर । अरनिको राजमार्गअन्तर्गत काभ्रेको भुम्लु गाउँपालिका १० स्थित ५६ किलो भन्ने स्थानमा बसले ठक्कर दिँदा महिलाको मृत्यु भएको छ।काठमाडौंबाट बाह्रबिसेतर्फ गइरहेको बा २ ख ९०६४ नम्बरको बसले सडकमा हिँडिरहेकी महिलालाई ठक्कर दिएको हो ।

मागी हिँड्ने ती महिलाको धुलिखेल अस्पतालमा उपचारका क्रममा गएराति मृत घोषणा गरेको जिल्ला प्रहरी कार्यालयले जनाएको छ । नाम, वतन नखुलेकी ती महिलालाई ठक्कर दिने बसचालक सिन्धुपाल्चोकको बलेफी गाउँपालिका–८ का ५१ वर्षीय रामबहादुर तामाङलाई प्रहरीले नियन्त्रणमा लिएको छ।