झाडापखालाका कारण खोटाङमा चार वर्षीय बालकको मृत्यु

काठमाडौं । झाडापखालाका कारण खोटाङमा चार वर्षीय बालकको मृत्यु भएको छ । झाडापखालाले जलवियोजन हुँदा दिप्रुङ चुईचुम्मा गाउँपालिका–१ याम्खाका दिप्सन भुजेलको मृत्यु भएको जिल्ला अस्पताल खोटाङका निमित्त सुपरिटेन्डेन्ट डा. रुपेश संग्रौलाले जानकारी दिए ।

अन्तिम अवस्थामा अस्पताल पुर्‍याएको बालकलाई केही समयपछि मृत घोषणा गरिएको थियो । उनी दुई दिन अघिदेखि निरन्तर पखाला लाग्ने र वान्ता हुने समस्याबाट बिरामी परेका थिए । स्वास्थ्य अवस्था झन् गम्भीर बन्दै गएपछि बालकलाई अस्पताल लगिएको थियो । स्वास्थ्य संस्थामा लैजानुको सट्टा धामीझाँक्री गरेका कारण बालकको ज्यान गएको स्वास्थ्यकर्मीको भनाइ छ ।