गोसाइकुण्डमा लेक लागेर पर्यटक गाइडको मृत्यु

काठमाडौं । रसुवाको गोसाइकुण्ड गाउँपालिका–४ को लाङसिसा खर्कमा पर्यटक गाइड विजय तामाङको लेक लागेर मृत्यू भएको छ।

सिन्धुपाल्चोक मेलम्ची नगरपालिका–६ का २४ वर्षीय तामाङको पाँच पोखरीबाट लाङटाङ–क्यान्जिन उपत्यका–लाङसिसाखर्कको नयाँ ट्रेकिङ रुट खोजी गर्न आएका ६्।७ जनाको समुह फर्केर तल झर्ने क्रममा मृत्यु भएको हो।

नयाँ पर्यटकीय रुटको खोजीमा तीलमण्ड पास जाने क्रममा लाङसिसाको माथि झण्डै ५ हजार ८ सय मिटरमाथि पुगेर फर्केका थिए। उनलाई लाङसिसाखर्क झर्ने क्रममा समस्या भएको थियो। समयमा उद्धार नभएको कारण टेकअन नेपाल नामक कम्पनीमा कार्यरत गाइड विजय तामाङको मृत्यु भएको आफन्तले बताएका छन्।