मुगुबाट गृहमन्त्री लेखकको राजीनामा माग

काठमाडौं । मुगुका दलित अधिकारकर्मीहरुले गृहमन्त्री रमेश लेखकको राजीनामा मागेका छन् । अन्तरजातीय विवाहलाई दबाउन तथा जातीय विभेद संरक्षण गर्न खोजेको भन्दै उनीहरुले गृहमन्त्री रमेश लेखकको राजीनामा मागेका हुन ।

जिल्ला प्रशासन कार्यालय मुगुका प्रमुख जिल्ला अधिकारी कमल प्रसाद पाण्डे मार्फत प्रधानमन्त्री कार्यालयलाई ध्यानाकर्षण पत्र बुझाउदै ’गृहमन्त्री लेखकको राजीनामा माग गरेका हुन ।

मुगुका दलित अगुवा युवाहरूले जिल्ला प्रशासन कार्यालय मुुगुमा प्लेकार्ड सहित बोकेर गृहमन्त्री लेखक विरुद्ध नाराबाजी गर्दे राजीनामा माग गरेका हुन् ।

आन्दोलित युवाहरूले न्याय नदिएसम्म आन्दोलन निरन्तर हुने बताएका हुन । आईतवार यहाँका युवाहरुले विरोध जनाउदै जातिय विभेद अन्त्य गर , गृहमन्त्री राजिनामा दे दलित आन्दोलन जिन्दावाद जस्ता नारा गर्दे विरोध जनाएको उनको भनाई छ । कार्यक्रममा यहाँका दलित अधिकारकर्मीहरुको सहभागिता जनाएका थिए ।