- २२ कार्तिक २०८३, आईतवार / Nov 8, 2026
असार ५, काठमाडौं । पछिल्लो समय देशको राजधानी काठमाडौं उपत्यका र देशका धेरै जिल्लामा डेंगुको संक्रमण बढ्दै गइरहेको छ । विभिन्न जिल्लालगायत हालसम्म १ हजार १७५ जनामा डेंगु संक्रमण पुष्टि भएको छ ।
मुगु, डोल्पा, हुम्ला, जुम्ला, मुस्ताङ जिल्ला बाहेक हालसम्म ७२ जिल्लामा डेंगु संक्रमित भेटिएको इपिडिमियोलोजी तथा रोग नियन्त्रण महाशाखा (इडीसीडी)ले जनाएको छ । इडीसीडीका अधिकारीहरुका अनुसार अघिल्लो वर्षमा भन्दा अहिले तीब्र रुपमा डेंगु फैलिरहेको छ ।
इडीसीडीका अनुसार बागमती प्रदेशमा ४०३, कोशीमा २७७, गण्डकीमा १८७, लुम्बिनीमा १३९, सुदूरपश्चिममा ११८, मधेशमा ३४ र कणालीमा १७ जनामा डेंगु संक्रमण पुष्टि भएको छ ।
त्यसैगरी जिल्लागत रूपमा काठमाडौं उपत्यकामा सबैभन्दा धेरै १२२, झापामा १११, चितवनमा ७४, मकवानपुरमा ५८, तनहुँमा ४६ जनामा डेंगु संक्रमित भेटिएका छन् भने अन्य जिल्लामा संक्रमितको संख्या ५० भन्दा कम छ । अगस्ट, सेष्टेम्बर, अक्टोबर महिनामा डेंगुको संक्रमण बढी फैलिने गरेता पनि यस वर्ष डेंगु फैलिने समय आउन बाँकी छदैं विभिन्न जिल्लाहरुमा डेंगु फैलिएको छ ।
