बिजुलीको बक्यौता नतिर्ने उद्योगीको बिजुली काट्नु ठूलो गल्ती हुने उर्जामन्त्री खड्काको भनाइ

काठमाडौं । उर्जा जलस्रोत तथा सिँचाइमन्त्री दीपक खड्काले बिजुलीको बक्यौता नतिर्ने उद्योगीको बिजुली काट्नु ठूलो गल्ती हुने बताएका छन् । नेपाल विद्युत् प्राधिकरणको ३९ औँ वार्षिकोत्सवमा सम्बोधन गर्दै मन्त्री खड्काले ट्रङ्क र डेडिकेटेड लाइन प्रयोग गरेबापत उद्योगीबाट न्यायसङ्गत तरिकाले बक्यौता असुल गर्नुपर्ने तर लाइन काट्न नहुने बताएका हुन् ।

उनले सरकारले बिजुलीको बक्यौता उठाउनु हुँदैन कहिल्यै नभनेको बरु उद्योगी कतै मारमा परेका छन् कि भनेर पनि हेर्नुपर्ने बताए । सरकारले ट्रङ्क र डेडिकेटेड लाइनवापतको रकम छुट दिन थाल्यो भनेर गलत प्रचार भइरहेको भन्दै गुनासो पनि गरेका छन् ।