वर्षा र हिमपातको सम्भावना रहेकाले सर्तकता अपनाउन महाशाखाको अपिल

काठमाण्डौ । आइतबार ठाउँमा हल्का वर्षाको सम्भावना रहेको छ । कोशी र गण्डकी प्रदेशको पहाडी एक र दुई स्थानमा हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

पहाडी एक र दुई ठाउँमा हल्का वर्षा तथा उच्च पहाडी तथा हिमाली एक र दुई ठाउँमा हल्का हिमपातको सम्भावना रहेको महाशाखाले जनाएको छ । हल्का वर्षा र हिमपातको सम्भावना रहेका क्षेत्रमा कृषि, स्वास्थ्य, पर्यटन, पर्वतारोहणमा आंशिक असर पर्नसक्ने भएकाले आवश्यक सतर्कता अपनाउन महाशाखाले अनुरोध गरेको छ ।

देशका धेरैजसो ठाउँमा पश्चिमी वायुको सामान्य प्रभाव छ । कोशी, बाग्मती र गण्डकी प्रदेशका पहाडी क्षेत्रमा मौसम आंशिकदेखि साधारणतया बदली र बाँकी भागमा सफा रहने जल तथा मौसम पूर्वानुमान महाशाखाले जनाएको छ ।