पशुपतिनाथ, डोलेश्वर र आशापुरेश्वर लगायत देशभरका शिवालयमा भक्तजनको घुइँचो

काठमाडौँ । साउन महिनाको दोस्रो सोमबार देशका शिवालयमा भक्तजनको घुइचो लागेको छ । काठमाडौंको पशुपतिनाथ मन्दिर, डोलेश्वर मन्दिर, आशापुरेश्वर मन्दिर लगायत मुलुकभरका शिवालयमा सोमबार दर्शनार्थीको भीड लागेको हो ।

साउने सोमबारलाई अत्यन्त शुभ मानिन्छ । यस वर्षको साउन महिनामा चार सोमबार परेका छन् । हरेक सोमबारमा व्रत बसेर महिला र पुरुषहरूले शिवको भक्तिपूर्वक पूजा गर्ने गरेका छन् ।

साउन महिनाका प्रत्येक सोमबार व्रत बस्ने र शिव मन्दिरमा दूध र जल चढाई पूजा गर्ने प्रचलन छ । यसरी पूजा गरेमा मनोकाङ्क्षा पूरा हुने धार्मिक विश्वास छ ।