मालारानीमा जिप दुर्घटना हुँदा चालकको मृत्यु

बुटवल । बुधवार अर्घाखाँचीको मालारानीमा जिप दुर्घटना हुँदा चालकको मृत्यु भएको छ । दुर्घटनामा चालक कृष्ण लाल मरासिनीको उपचारको क्रममा जिल्ला अस्पतालमा मृत्यु भएको जिल्ला प्रहरी कार्यालय अर्घाखाँचीले जनाएको छ ।

मालारानी गाउँपालिका वडा नम्बर २ कुभिन्डेमा भएको उक्त दुर्घटनामा मृत्यु भएको हो । चालक मात्रै भएको जिप सडक देखि ४ सय मिटर तल खसेको थियो । दुर्घटनाको बारेमा अनुसन्धान भइरहेको प्रहरीले जनाएको छ।

बुटवलबाट मालारानी गाउँपालिका २ ढाणचौर आउँदै गरेको लु १ ज ४२२६ नम्बरको जिप दुर्घटना भएको हो ।