- १ कार्तिक २०८३, आईतवार / Oct 18, 2026
काठमाण्डौ । पोखरामा सडक भासिएको छ । पृथ्वी राजमार्गअन्तर्गत पोखरा महानगरपालिका–१४ मा पर्ने सडकखण्ड भासिएको हो ।
लगातारजसो पानी परेका कारण सडक भासिएको जिल्ला प्रहरी कार्यालय कास्कीले जनाएको छ ।
सडक भासिएपछि पृथ्वी राजमार्ग भएर गुड्ने गाडी र यात्रु प्रभावित भएको जिल्ला प्रहरी कार्यालय कास्कीले जनाएको छ । वर्षाकै कारण मोरङको विराटनगर महानगरपालिकाका विभिन्न वडाका बस्ती डुबानमा परेका छन् ।
विराटनगर महानगरपालिका वडा नम्बर ५, ६, ११ र १२ नम्बर वडाका बस्ती डुबानमा परेका हुन् । विशाल चोक, सम्झना चोक, पृथ्वी चोकलगायत धेरै ठाउँ जलमग्न भएका छन् । घरघरमा पानी पसेपछि स्थानीयबासिन्दा समस्यामा परेका छन् ।
