- ५ आश्विन २०८३, सोमबार / Sep 21, 2026
काठमाडौं । काठमाडौंको बल्खुमा प्रर्दशन गरिहेका दुर्गा प्रसाईं समूह र प्रहरीबीच झडप भएको छ । प्रदर्शन गरिरहेका प्रर्दशनकारीहरुले प्रहरी घेरा तोडेर कालीमाटीतर्फ जान खोजेपछि झडप भएको हो । प्रहरीले बल प्रयोग गरेको हो ।
प्रदर्शनस्थलमा दुर्गा प्रसाईंले सम्बोधन सकेपछि प्रसाईंका समर्थकले मञ्चबाटै निषेधित क्षेत्र तोडेर त्रिपुरेश्वरतर्फ जाने घोषणा गरेका थिए । यो घोषणासंग प्रदर्शनकारीहरु बल्खुबाट त्रिपुरेश्वर सडक तिर अगाडी बढेका थिए । प्रदर्शनकारीको समुह त्रिपुरेश्वर सडकतिर बढ्दै गर्दा प्रहरीले बल प्रयोग गर्दै अश्रुग्यास हानेको छ । यसअघि युवा संघ र दुर्गा प्रसाईं समर्थकबीच पनि झडप भएको थियो ।
प्रदर्शनका क्रममा प्रहरीले जामर भेहिकल पनि सञ्चालन गरेको छ । मोबाइल नेटवर्क सम्पर्क विच्छेद गराउन ज्यामर प्रविधि प्रयोग गर्ने गरिन्छ ।
