- ८ असार २०८३, सोमबार / Jun 22, 2026
काठमाडौं । आज सर्वोच्च अदालतले गण्डकी प्रदेशका निलम्बित सांसद फणीन्द्र देवकोटामाथि गरिएको कारवाही कार्यान्वयन नगर्न अन्तरिक आदेश दिएको छ।
न्यायाधीश प्रकाशमान सिंह राउतको इजलासले देवकोटाको पक्षमा अन्तरिम आदेश जारी गर्दै रिटको अन्तिम टुंगो नलाग्दासम्म उक्त कारबाही कार्यान्वयन नगर्न भनेको छ। सर्वोच्चले प्रारम्भिक सुनुवाइपछि गण्डकी प्रदेशसभाका सभामुखको जेठ ३२ को निर्णय र सूचना कार्यान्वयन नगर्न र देवकोटालाई गण्डकी प्रदेशसभा सदस्यको हैसियतमा काम गर्न दिनू भन्ने आदेश जारी गरेको छ।
उनले गण्डकी प्रदेशका मुख्यमन्त्री सुरेन्द्र पाण्डेलाई विश्वासको मत दिएपछि नेकपा माओवादी केन्द्रको चुनाव चिह्न लिएर जितेका देवकोटामाथि ह्वीप उल्लंघन गरेको आरोपमा माओवादी केन्द्रले कारबाही गरेको थियो।
