हृदयघातका कारण फुटबलमा प्रशिक्षक हरिओम श्रेष्ठको निधन

काठमाडौं । हृदयघातका कारण फुटबलमा प्रशिक्षक हरिओम श्रेष्ठको निधन भएको छ। बुढासुब्बा गोल्डकपका दौरान उनलाई हृदयघात भएको हो । केही दिन अघि धरानमा भएको बुढासुब्बा गोल्डकपका लागि एनआरटि टिमको प्रशिक्षक भएर धरान गएका उनलाई हृदयघात भएको हो ।

गंगालालमा राखेर उपचार गरिएको थियो। शुक्रबार मात्र स्वास्थ्यमा केही सुधार भएपछि घर फर्काइएको थियो। केही दिन धरानमै उपचार गरेर त्यसपछि उनलाई काठमाडौं ल्याइएको थियो।

५५ वर्षीय श्रेष्ठले उमेर समूहमा नेपाली टिमलाई प्रशिक्षण गरेका थिए भने विभिन्न ‘ए’ डिभिजन क्लबको समेत प्रशिक्षण सम्हालेका थिए। आइतबार एक्कासी स्वस्थ्यमा समस्या देखिएपछि उनलाई वीर अस्पताल लगिएको थियो। वीर अस्पतालमा उनको उपचारका क्रममा निधन भएको जनाएको छ ।