अप्रिल महिनामा विदेशी पर्यटक आगमनको नयाँ रेकर्डएक लाख १६ हजार नाघ्यो

काठमाडौं । नेपालको पर्यटन क्षेत्रमा यो अप्रिल महिनाले नयाँ इतिहास रचेको छ। नेपाल पर्यटन बोर्डका अनुसार सन् २०२५ को अप्रिल महिनामा १ लाख १६ हजार ४९० जना विदेशी पर्यटक नेपाल आएका छन्, जुन हालसम्मकै सबैभन्दा उच्च मासिक आगमन हो।

सबैभन्दा धेरै पर्यटक भारतबाट २५,९३३, अमेरिकाबाट १०,०५३, चीनबाट ९,०३७, र बेलायतबाट ६,८३८ आएका छन्। यो सङ्ख्या सन् २०१९ को अप्रिल महिनाको तुलनामा १०६.५ प्रतिशतले वृद्धि भएको बोर्डले जनाएको छ। महामारीपछिको पुनरुत्थानसँगै नेपालले अन्तर्राष्ट्रिय पर्यटन पुनर्जीवनमा उल्लेखनीय प्रगति गरेको देखिन्छ।

नेपाल पर्यटन बोर्डका प्रमुख कार्यकारी अधिकृत दीपकराज जोशीले यो वृद्धि उत्साहजनक रहेको बताए। सन् २०२५ को पहिलो चार महिनामा मात्रै कुल ४ लाख १५ हजार ४८ विदेशी पर्यटक नेपाल भित्रिइसकेका छन्।