- २३ भाद्र २०८३, मंगलवार / Sep 8, 2026
काठमाडौँ, ९ पुष । जेनजी आन्दोलनका क्रममा फरार रहेका एक कैदीबन्दीलाई प्रहरीले पक्राउ गरेको छ।
वन्यजन्तुको आखेटोपहार ओसारपसारसम्बन्धी मुद्दामा फरार रहेका सिन्धुपाल्चोकको भोटेकोशी गाउँपालिका–५ निवासी टसी तामाङलाई प्रहरीको केन्द्रीय अनुसन्धान ब्युरो (सीआईबी) ले पक्राउ गरेको हो।
सीआईबीका अनुसार गत भदौ २३ र २४ गते भएको जेनजी आन्दोलनका क्रममा केन्द्रीय कारागार कार्यालय, जगन्नाथदेवलबाट फरार भएका तामाङलाई मंगलबार काठमाडौंको गोकर्णेश्वर क्षेत्रबाट पक्राउ गरिएको हो।
कारागारबाट भागेपछि लामो समयसम्म लुकिछिपी बस्दै आएका तामाङलाई विशेष सूचनाको आधारमा पक्राउ गरी केन्द्रीय कारागार कार्यालय, जगन्नाथदेवलमा पेस गरिएको प्रहरीले जनाएको छ।
