- ५ असार २०८३, शुक्रबार / Jun 19, 2026
काठमाडौँ, ९ पुष । राष्ट्रियसभा सदस्य निर्वाचनका लागि सातै प्रदेशमा निर्वाचन अधिकृत नियुक्त गरिएको छ।
निर्वाचन आयोगले माघ ११ गते हुने राष्ट्रियसभा सदस्य निर्वाचनलाई लक्षित गर्दै सात जना जिल्ला न्यायाधीशलाई निर्वाचन अधिकृतको जिम्मेवारी दिएको हो।
आयोगको सोमबार बसेको बैठकले राष्ट्रियसभा सदस्य निर्वाचन ऐन, २०७५ को दफा ७ बमोजिम निर्वाचन अधिकृत नियुक्त गर्ने निर्णय गरेको जनाएको छ।
निर्वाचन आयोगका अनुसार नियुक्त भएका निर्वाचन अधिकृतहरू पुस १५ गतेदेखि लागू हुने गरी आफ्नो जिम्मेवारीमा खटिनेछन्।
त्यसैगरी पुस १६ गतेदेखि सम्बन्धित प्रदेशको निर्वाचन कार्यालयमा निर्वाचन अधिकृतको कार्यालय स्थापना गर्ने कार्यक्रम तय गरिएको छ।
आयोगले तोकिएको समयतालिका अनुसार निर्वाचनको सम्पूर्ण प्रक्रिया निष्पक्ष, स्वतन्त्र र मर्यादित ढंगले सम्पन्न गराउने तयारी भइरहेको जनाएको छ।
