बस दुर्घटनामा १७ जना घाइते

डोटी । यात्रुवाहक बस दुर्घटना हुँदा १७ जना घाइते भएका छन् । धनगढीबाट दिपायल आउँदै गरेको शैलेश्वरी यातायातको ना ५ ख ४४५१ नम्बरको बस दुर्घटनामा परेको हो ।

दिपायल सिलगढी नगरपालिका–४ समुहगाडस्थित आज बिहान बस दुर्घटनामा परेको जिल्ला प्रहरी कार्यालय डोटीका सूचना अधिकारी प्रहरी नायव उपरीक्षक भिमलाल भट्टराईले बचाए । दुर्घटनामा परि घाइते भएकाहरूको राजपुरस्थित सुजङ अस्पतालमा उपचार भइरहेको छ ।

घाइतेहरूको अवस्था मध्यम र सामान्य रहेको डिएसपी भट्टराईले बताए । बस सडकबाट करिब ३५ मिटर तल खसेको छ । उकालोमा दुर्घटना भएको बस प्राविधिक कारणले दुर्घटनामा परेको हुन सक्ने प्रारम्भिक अनुमान गरिए पनि थप अनुसन्धान भइरहेको प्रहरीले जनाएको छ ।